Ֆանտաստիկ է հետևել, թե ինչպես են գաղափարներն ու մտքերը տեղաշարժվում, առավել հետաքրքիր է, թե ինչպես էին դրանք տեղափոխվում հեռավոր վաղ նոր ժամանակներում։ Ահա էդպիսի մի օրինակ։

Բրիտանական ակադեմիան հրատարակել է նոր մենագրություն, որը ներկայացնում է Օսմանյան կայսրության և Հարավ-Արևելյան Ասիայի միջև կապերի ծագումն ու դրանց զարգացման առանձնահատկությունները։ 14 տարբեր գլուխներում հեղինակները, հիմնվելով նոր ստամբուլյան արխիվային աղբյուրների վրա, ներկայացնում են երկու կողմերի միջև քաղաքական, տնտեսական հարաբերությունները, գաղութատիրական շրջանում կապերի զարգացումը, մշակութային և ինտելեկտուալ ազդեցությունները։ Գրքում կարելի է գտնել նաև այս խնդրի վերաբերյալ պատմագրական ակնարկ։ Բովանդակությունը կարելի է տեսնել էստեղ։

Բրիտանական թանգարանի բլոգում կարող եք գտնել գրքի շապիկը զարդարող ձեռագրի մասին համառոտ պատմություն։

Գրքում տեղ գտած ձեռագրերից օրինակ. (more…)

Շատերիս է ծանոթ Ա. Հիտլերի հայտնի արտահայտությունը թուրքերի կողմից իրականացված Հայոց ցեղասպանության մասին: Սակայն քչերին է հայտնի, որ Հիտլերն ու շրջապատը ուշադրությամբ հետևել են Քեմալ Աթաթյուրքի և քեմալականների գործողություններին ու…

Ձեր ուշադրությանն ենք ներկայացնում անգլիացի պատմաբան Նորման Սթոունի գիտական աշխատանքների վերաբերյալ քննական տեսակետ:

Վերջին տասնամյակում կտրուկ ավելացել են Առաջին համաշխարհային պատերազմի ռուս-թուրքական ռազմաճակատում մարտական գործողությունների, այդ տարիներին հայ և ասորի գաղթականության վիճակի, հայերի ցեղասպանության վերաբերյալ թուրք և ադրբեջանցի պատմաբանների ուսումնասիրությունները: Ինքնին հասկանալի է, որ դրանց ճնշող մեծամասնությունը կրում է միտումնավոր խեղաթյուրման և նույնիսկ շատ հայտնի պատմական փաստերի ակնհայտ կեղծման բնույթ: Բանն այն է, որ մոտենում են երկու նշանավոր պատմական տարեդարձներ, որոնք նշվելու են գրեթե բոլոր պետություններում` Առաջին համաշխարհային պատերազմի (2014 թ.) և հայերի ցեղասպանության (2015 թ.) 100-ամյակները: Ակնհայտ է, որ պատմաբաններն ու քաղաքագետները պարտադիր անդրադառնալու են այդ իրադարձություններին: Դրանից անհանգստացած թուրք բարձրաստիճան պաշտոնյաները դիմում են զանազան քայլերի, որպեսզի շեղեն համաշխարհային հասարակության ուշադրությունը այդ երկու կարևոր հիմնահարցերից: (more…)